Лінкі ўнівэрсальнага доступу

Улады перанесьлі сплату «дармаедзкай» камуналкі


Ілюстрацыйнае фота

Урад Беларусі перанёс тэрміны зацьвярджэньня сьпісаў «працаздольных грамадзян, не занятых у эканоміцы», якія будуць цалкам кампэнсаваць выдаткі на камунальныя паслугі, піша БелТА.

Спойлер: першыя «дармаедзкія» жыроўкі прыйдуць у сакавіку.

Да 1 лютага камісіі па каардынацыі працы па садзейнічаньню занятасьці насельніцтва​ сфармавалі ​сьпісы «дармаедаў», якія будуць плаціць «камуналку» у поўным памеры.

«Тыя, хто патрапіў у сьпісы, будуць дадаткова праінфармаваны праз жыроўкі. Пры гэтым налічэньне аплаты за паслугу гарачага водазабесьпячэньня па поўнаму тарыфу за студзень 2019 адбывацца ня будзе», — адзначылі ў Міністэрстве працы.

Калі «дармаед» цягам лютага не пацьвердзіць сваю занятасьць, яму пералічаць камуналку за студзень, адзначылі ў Міністэрстве працы.

Усё пра «дармаедзкі» дэкрэт

Як пісала Свабода, на 31 студзеня канчатковыя сьпісы плацельшчыкаў яшчэ не былі сфармаваныя. Дэкрэт № 1 пачаў дзейнічаць 1 сьнежня, налічваць «дармаедзкую камуналку» мусілі пачаць у студзені.

Чаму сплату «дармаедзкай камуналкі» адтэрмінавалі?

Паводле БелТА, такое рашэньне дасьць магчымасьць пацьвердзіць сваю занятасьць людзям, якіх аднесьлі да «незанятых у эканоміцы».

Галоўнае пра «дармаедзкі» дэкрэт

Дэкрэт «Аб садзейнічаньні занятасьці насельніцтва», падпісаны Аляксандрам Лукашэнкам у студзені 2018 году, абавязаў усіх «не занятых у эканоміцы» грамадзян Беларусі ў поўным аб’ёме плаціць за датаваныя дзяржавай паслугі ЖКГ, пачынаючы з 2019 году.

7 пытаньняў і адказаў пра новы «дармаедзкі» дэкрэт

Пазьней 10 сьнежня Лукашэнка пазбавіў семʼі, дзе ўсе працаздольныя — «дармаеды», права на атрыманьне дзяржпадтрымкі пры будаўніцтве жытла.

  • У «базу дармаедаў» занесьлі каля 425 тысяч чалавек. У іх лік трапілі, напрыклад, грамадзяне, якія сплацілі падаходны падатак, а таксама частка тых, хто стала пражывае за мяжой.
  • Каб давесьці ўладам памылковасьць занясеньня ў базу, неабходна зрабіць шэраг бюракратычных захадаў.

Імаверна, пастанову Саўміну аб «дармаедах» ад 31 сакавіка прынялі задняй датай. Вядома, што 4 красавіка гэтай пастановы яшчэ не было.

Папярэдні «дармаедзкі» дэкрэт перапісалі

Першы дакумэнт аб «дармаедах» — дэкрэт № 3 ад 2015 году — абавязваў грамадзян, якія пастаянна пражываюць у Беларусі і ня ўдзельнічалі ў фінансаваньні дзяржаўных выдаткаў або ўдзельнічалі менш за паўгода, сплачваць збор памерам 20 базавых велічыняў. Інакш ім пагражаў штраф або адміністрацыйны арышт.

У 2017 годзе збор сплацілі больш за 54 тысячы чалавек з 470 тысяч, якім былі разасланыя паведамленьні, казалі ў Міністэрстве падаткаў і збораў.

Дзеяньне дэкрэту прыпынілі пасьля пратэстных «Маршаў недармаедаў», якія праходзілі ў гарадах Беларусі ўвесну 2017 году.

ТЭСТ: Даведайцеся, ці вы «дармаед»?

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG