Лінкі ўнівэрсальнага доступу

Менскія мэдыкі выйшлі на акцыі салідарнасьці з затрыманымі кардыёлягамі


Супрацоўнікі Рэспубліканскага цэнтру траўматалёгіі і артапэдыі выйшлі перад шпітальным корпусам з плякатамі ў падтрымку затрыманых 27 кастрычніка калег.

Акрамя таго, блізу паўсотні чалавек прыйшлі падтрымаць мэдыкаў да будынку Маскоўскага РУУС, паведамляе Tut.by. Тут калегі, родныя, жыхары раёну.

Перамовы ў вызваленьні падначаленых з праваахоўнікамі вядзе кіраўніца РНПЦ «Кардыялёгія» Натальля Міцькоўская. Двух затрыманых у выніку адпусьцілі, склаўшы пратаколы за ўдзел у недазволенай акцыі: загадчыка рэнтгенаапэрацыйнай Алега Паланецкага і кардыёхірурга Ўладзімера Андрушчука. З упраўленьня міліцыі яны ад’ехалі на працу.

Яшчэ дзевяць лекараў па-ранейшаму знаходзяцца ў міліцыі.

Тым часам ужо больш за 2500 беларускіх мэдыкаў падпісалі адкрыты ліст за новыя выбары і супраць гвалту.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG