Лінкі ўнівэрсальнага доступу

Суд ААН адхіліў апэляцыю на прысуд генэралу Ратку Младзічу


Ратка Младзіч у судзе

Суд ААН у Гаазе (пераемнік Міжнароднага трыбуналу для былой Югаславіі) адхіліў апэляцыю, пацьвердзіўшы пажыцьцёвы прысуд былому вайскаводу арміі басьнійскіх сэрбаў генэралу Ратку Младзічу.

Апэляцыя была на абвінаваўчы прысуд, вынесены Младзічу ў 2017 годзе за яго дачыненьне да генацыду, ваенных злачынстваў і злачынстваў супраць чалавечнасьці ў басьнійскай вайне (1992-1995).

Слуханьні ў апэляцыйным працэсе пачаліся 25 жніўня 2020 году. Младзіч, які лічыць сябе невінаватым, дамагаўся апраўданьня.

Ратка Младзіч быў асуджаны на пажыцьцёвае зьняволеньне за ўчыненую на ягоны загад масавую расправу над тысячамі басьнійскіх мужчын і хлопцаў. 11 ліпеня 1995 году, пасьля ўзяцьця басьнійскімі сэрбамі мусульманскага анкляву Срэбраніца, падначаленыя Младзічу атрады забілі каля 8 тысяч басьнійскіх мусульманаў.

У абвінавачаньні таксама сказана пра тысячы ахвяраў аблогі Сараева, якая доўжылася 44 месяцы, зьдзекі зь людзей у лягерах для інтэрнаваных, тэрор у дачыненьні да харватаў і мусульманаў у басьнійскіх паселішчах, узяцьце ў закладнікі салдатаў-міратворцаў ААН.

Пасля завяршэньня ў 1995 годзе вайны ў Босьніі і Герцагавіне Ратка Младзіч доўга хаваўся і быў арыштаваны ў Сэрбіі ў 2011 годзе.

Самымі высокапастаўленымі абвінавачанымі Міжнародным трыбуналам для былой Югаславіі сталі экс-прэзыдэнт Югаславіі Слобадан Мілошавіч і былы прэзідэнт Рэспублікі Сэрбскай (РС) у Босьніі і Герцагавіне (БіГ) Радаван Караджыч.

Міжнародны трыбунал ААН для былой Югаславіі абвінаваціў агулам 161 чалавека. Апошнім арыштаваным на ордэр трыбуналу стаў Горан Хаджыч, затрыманы 20 ліпеня 2011 году.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG