Лінкі ўнівэрсальнага доступу

Арыштавалі афіцэраў, якія летась заклікалі калегаў выступіць супраць міліцэйскага гвалту


Сілавікі ў Менску, архіўнае фота

Сама меней двое ўдзельнікаў мінулагодніх відэазваротаў супраць гвалту сілавікоў, падпалкоўнік запасу Сяргей Шпак і маёр запасу Андрэй Дзечка, апынуліся ў СІЗА КДБ.

Пра тое, што яе сваяк у так званай «амэрыканцы», паведаміла грамадзянская актывістка Тацяна Вадалаская. Спачатку ў адстаўных вайскоўцаў адабралі званьні, а цяпер прыйшлі і па іх саміх.

«Памятаеце зварот афіцэраў запасу? Насамрэч такіх запісаў было два. Дык вось адзін з хлопцаў, Сяргей Шпак, муж маёй сястры. Я ганаруся яго мужнасьцю! У пятніцу ў кватэру прышлі зь ператрусам, а потым паклікалі „пагаварыць“, і ён зьнік. Сёньня даведаліся, што трымаюць у „амэрыканцы“. Абвінавачаньня пакуль няма», — напісала Тацяна Вадалаская на сваёй старонцы ў Facebook.

Выслуга Сяргея Шпака ва Ўзброеных сілах — 28 гадоў. У яго чацьвёра дзяцей, двое непаўналетнія.

Іншы ўдзельнік відэазвароту, маёр запасу Андрэй Дзечка, таксама ў СІЗА КДБ. Гэта Свабодзе пацьвердзілі ягоныя сваякі. Затрымалі Андрэя Дзечку яшчэ ў першай дэкадзе ліпеня.

Увечары 19 ліпеня тэлеграм-канал peleng97 паведаміў, што Андрэя Дзечку адпусьцілі. Як стала вядома «Вясьне», Андрэя Дзечку вызвалілі 17 ліпеня — ён прабыў у зняволенні 10 дзён. Ён у статусе падазраванага, але невядома па якім артыкуле.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG