Лінкі ўнівэрсальнага доступу

Беларусь не атрымае паўмільярда даляраў ад эўрапейскіх банкаў на дарожныя праекты


Будаўніцва аўтадарогі, ілюстрацыйнае фота

Праз эўрапейскія санкцыі аказаліся заблякаванымі банкаўскія сродкі, за кошт якіх меркавалася прафінансаваць шэраг буйных праектаў, зьвязаных з рамонтам і пракладваньнем дарог, мастоў ды разьвязак.

Як расказаў у эфіры «Беларусь-1» міністар транспарту і камунікацый Аляксей Аўраменка, у сувязі з гэтым уладам давядзецца шукаць новыя крыніцы фінансаваньня. Гаворка сама меней пра паўмільярда даляраў.

Чыноўнік удакладніў, што пад шэраг праектаў ужо былі падпісаныя крэдытныя пагадненьні з эўрапейскімі банкамі, аднак праз абвешчаныя санкцыі сёньня такія фінансавыя ўгоды немагчымыя.

Гаворка пра дарогі

  • М3 Менск — Віцебск,
  • Р46 ад Лепеля да Полацку з будаўніцтвам абыходу і новага моста,
  • М7 Менск — мяжа Літвы.

Паводле міністра, дзеля рэалізацыі заплянаваных аб'ёмаў рамонту і аднаўленьня дарожнай інфраструктуры ведамства пачало перамовы з Эўразійскім банкам разьвіцьця і Экспартна-імпартным банкам Кітая.

Сёлета дарожнікі плянуюць завершыць рэканструкцыю дарогі Р53 да Смалявічаў і рамонт Р23 ад Слуцку да Салігорску.

У плянах Міністэрства транспарту і камунікацый штогод прыводзіць да ладу прыкладна 1000 кілямэтраў аўтадарог.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG