Лінкі ўнівэрсальнага доступу

Міністар здароўя: у Беларусі ўсе цяжкія выпадкі COVID-19 назіраюцца ў непрышчэпленых пацыентаў


Дзьмітры Піневіч, міністар здароўя

Пра гэта паведаміў міністар здароўя Дзьмітры Піневіч падчас наведваньня «чырвоных зонаў» 6 шпіталя Менску.

Яго заявы цытуе тэлеграм-канал міністэрства.

«Цяпер мы назіраем рост захворваньня COVID-19. Наведваючы шпіталі, маніторынгавыя групы адзначаюць зьмену захворваньня ў бок больш маладых. І я хачу падкрэсьліць, што ўсе цяжкія выпадкі COVID-19 (пацыенты на апаратах ШВЛ і якія маюць патрэбу ў інтэнсіўнай тэрапіі) — гэта непрышчэпленыя ад каранавірусу. Мы павінныя разумець, што з улікам значнай ролі дэльта-штаму ў структуры захворваньня COVID-19 захоўваецца прынцыповая значнасьць вакцынацыі. Няважна, якую вакцыну абярэ грамадзянін, важна даць арганізму дадатковую абарону супраць гэтага цяжкога інфэкцыйнага захворваньня», — падкрэсьліў міністар.

Тэлеграм-канал міністэрства здароўя сёньня апублікаваў дадзеныя аб вакцынаваньні насельніцтва краіны.

Паводле зьвестак міністэрства больш за 2 009 000 чалавек атрымалі першую дозу вакцыны, зь іх 1 571 000 прайшлі поўны курс вакцынацыі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG