Лінкі ўнівэрсальнага доступу

Праваабаронцы: у шклоўскай калёніі палітвязьняў караюць карцарам за адказы на лісты салідарнасьці


Шклоўская калёнія № 17, ілюстрацыйнае фота

Як расказаў сваякам адзін са зьняволеных папраўчай калёніі № 17 у Шклове, калі палітвязьні адказваюць на лісты падтрымкі чужых людзей, іх адпраўляюць у штрафны ізалятар або карцар.

«Прыходзяць лісты, мы вельмі рады падтрымцы. Але калі адпісвацца на лісты чужых людзей, то адразу трапляеш у штрафны ізалятар», — перадаюць на волю словы палітзьняволенага ягоныя сваякі. Яго цытуе Праваабарончы цэнтар «Вясна».

Праваабаронцы заклікаюць неабыякавых людзей працягваць падтрымліваць лістамі асуджаных паводле палітычных артыкулаў, нават калі тыя ня могуць адказаць.

На гэты момант у папраўчай калёніі № 17 знаходзіцца 39 палітвязьняў. Сярод іх — палітык Павал Севярынец, музыка Аляксей Санчук, актор Сяргей Волкаў, прадпрымальнік Аляксандар Троцкі, валянтэр Ігар Ярмолаў ды многія іншыя.

Поўны сьпіс палітычных вязьняў шклоўскай калёніі можна знайсьці ў табліцы Праваабарончага цэнтру «Вясна».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG