Лінкі ўнівэрсальнага доступу

Расея абʼявіла ў вышук беларускага праграміста, які перадаў праваабаронцам відэа катаваньняў у турме


Сяргей Савельеў

Расейскія ўлады абʼявілі ў вышук былога вязьня саратаўскага турэмнага шпіталя Сяргея Савельева, дзякуючы якому ў інтэрнэце зьявіліся гігабайты здымак катаваньняў у расейскіх калёніях, паведаміў Gulagu.net.

Менавіта на гэтым рэсурсе публікаваліся здабытыя Савельевым сьведчаньні.

Савельеў быў асуджаны ў Расеі за перавозку і збыт наркотыкаў, і ўжо ў калёніі пад Саратавам яго паставілі на працу сакратаром і сыстэмным адміністратарам. Ён адказваў за лякальную сетку і відэакамэры і выдаваў відэарэгістратары супрацоўнікам. Пасьля вызваленьня Савельеў скапіяваў усё, што змог, на вонкавы дыск, вывез з калёніі і перадаў заснавальніку Gulagu.net Уладзіміру Асечкіну гадзіны запісаў зьдзекаў зь вязьняў.

24 верасьня Савельева некалькі гадзін дапытвалі ў аэрапорце Санкт-Пецярбургу наконт перасылкі відэа з катаваньнямі ў расейскіх турмах. Яму сказалі, што ў Беларусі праслухоўвалі ягоны тэлефон, чыталі мэсэнджэр і пошту. Сілавікі пагражалі яму працяглымі тэрмінамі зьняволеньня і сьмерцю ў турме.

Цяпер Сяргей Савельеў у Францыі, дзе папрасіў палітычнага прытулку.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG