Лінкі ўнівэрсальнага доступу

Жанчына адседзела 15 сутак пасьля прыходу на суд над Вольгай Залатар. Пасьля арышту яе ня выпусьцілі і зноў будуць судзіць


Перад судом Фрунзэнскага раёну Менску. Ілюстрацыйнае фота

Сёньня мелася выйсьці на волю 32-гадовая Тацяна Батура, якую затрымалі 15 лістапада і асудзілі на 15 сутак арышту за «хуліганства ў судзе».

«Вясна» паведамляе, што сваякі і сябры так і не дачакаліся яе вызваленьня. Пазьней стала вядома, што Тацяну з Акрэсьціна завезьлі ў РУУС Фрунзэнскага раёну на «прафіляктычную гутарку». Там ёй паведамілі, што заўтра над ёй павінен адбыцца суд. На якой падставе зноў затрымалі жанчыну — невядома.

Тацяну Батуру затрымалі 15 лістапада ў Мінгарсудзе, калі яна хацела трапіць на першы судовы працэс у справе палітзьняволенай Вольгі Залатар. У Фрунзэнскім РУУСе на яе склалі пратакол паводле арт. 19.1 КаАП за хуліганства. На судзе Тацяна заявіла пра зьбіцьцё — яе ўдарылі галавой аб шафу, у шпіталі ёй дыягнаставалі ўдар галавы. Але, нягледзячы на гэта, судзьдзя Марыя Ярохіна арыштавала жанчыну на 15 сутак.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG