Лінкі ўнівэрсальнага доступу

Лукашэнка прызнаў, што расейская мова разьвіваецца ў Беларусі на шкоду беларускай


Малюнак Вікторыі Цалуйкі.

Лукашэнка заявіў расейскаму прапагандысту Кісялёву: «Назаві яшчэ адну такую краіну, дзе расейская мова разьвіваецца на шкоду нацыянальнай».

Лукашэнка ў размове з расейскім прапагандыстам Дзьмітрыем Кісялёвым прызнаў, што расейская мова ў Беларусі разьвіваецца на шкоду роднай беларускай.

«Мы гаворым з табой на расейскай мове. Назаві яшчэ адну такую краіну, дзе расейская мова дзяржаўная. Добра дзяржаўная, афіцыйная, — дзе вось так вось разьвіваецца расейская мова. Нават на шкоду, па-мойму, нашай нацыянальнай, роднай, беларускай мове», — сказаў Лукашэнка, якога цытуе БелТА.

Лукашэнка адзначыў, што яго часта папракаюць у правядзеньні такой палітыкі.

«Я заўсёды кажу, што нельга чалавека прымушаць размаўляць на нейкай мове. Потым часта прыводжу прыклад. Мне Пуцін кажа: дзякуй табе за рускую мову. Я кажу: пачакай, за што ты мне дзякуеш? Ну, вось жа, у вас дзяржаўная мова. Слухай, Валодзя, гэта мая мова. Руская — гэта мая мова. Мова — гэта жывая. Яна разьвіваецца: была такой, цяпер такой. І мы былі часткай агульнай імпэрыі, бралі ўдзел у разьвіцьці гэтай мовы. Ён кажа: пачакай, пачакай, тады а мая дзе руская мова? Я кажу: на Валагодчыне твая руская мова. Але гэта мы жартам адзін аднаму», — дадаў ён.

Аляксандар Лукашэнка быў ініцыятарам увядзеньня расейскай мовы ў якасьці дзяржаўнай у Беларусі. З 1995 году сфэра ўжываньня беларускай мовы значна скарацілася на карысьць расейскай.

Беларуская мова як родная. Дыяграма паводле перапісаў
Беларуская мова як родная. Дыяграма паводле перапісаў

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG