Лінкі ўнівэрсальнага доступу

Ужо сёньня: гадавіна візыту Біла Клінтана ў Беларусь


Біл Клінтан у Менску

Дата дня

15 студзеня 1994 году прэзыдэнт ЗША Біл Клінтан наведаў Беларусь з афіцыйным візытам.

Біл Клінтан выступае перад моладзьдзю ў Акадэміі навук Беларусі, 15 студзеня 1994 году. Сувэнірная паштоўка
Біл Клінтан выступае перад моладзьдзю ў Акадэміі навук Беларусі, 15 студзеня 1994 году. Сувэнірная паштоўка

Ён правёў сустрэчы са старшынём Вярхоўнага Савету Станіславам Шушкевічам, старшынём Савету міністраў Вячаславам Кебічам, кіраўніком парлямэнцкай Апазыцыі БНФ Зянонам Пазьняком. Таксама Клінтан выступіў перад моладзьдзю ў Акадэміі навук і наведаў Курапаты.

Таксама ў гэты дзень

1919 — Марк Шагал заснаваў Віцебскую народную мастацкую вучэльню.

1943 — у ЗША скончанае будаўніцтва Пэнтагону, які лічыцца самым вялікім у сьвеце адміністрацыйным будынкам.

1991 — у Менску быў заснаваны Нацыянальны дзяржаўны гуманітарны ліцэй імя Якуба Коласа.

1994 — беларускія праваахоўнікі выдалі Літве былых кіраўнікоў кампартыі Літвы Мікаласа Буракявічуса і Юозаса Ермалавічуса, якіх абвінавачвалі ў спробе дзяржаўнага перавароту ў студзені 1991 году. Літоўскія камуністы знаходзіліся ў Беларусі нелегальна. Гэта было падставай для закрытага паседжаньня Вярхоўнага Савету, на якім дэпутат Лукашэнка прапанаваў паставіць пытаньне аб адстаўцы старшыні ВС Станіслава Шушкевіча.

1994 — «Народная газета» надрукавала артыкул Зянона Пазьняка «О русском империализме и его опасности», у якім лідэр БНФ напісаў, што і пры «дэмакратычнай» уладзе Расея не пазбавілася імпэрскіх комплексаў. У артыкуле адзначалася, што толькі нацыянальная ідэя і кансалідацыя можа ўратаваць беларусаў.

2001 — Джымі Ўэйлз і Лары Сангер заснавалі Вікіпэдыю.

У гэты дзень нарадзіліся

1662 — Мальер, камэдыёграф Францыі і новай Эўропы, стваральнік клясычнай камэдыі.

1742 — Францішак Нарвойш, беларускі інжынэр, матэматык.

1850 — Соф’я Кавалеўская, расейскі матэматык і мэханік, першая ў сьвеце жанчына-прафэсар.

1891 — Восіп Мандэльштам, расейскі літаратар і перакладчык.

1900 — Павал Горын-Каляда, навуковец і дзяржаўны дзяяч.

1908 — Заір Азгур, скульптар.

Малады Заір Азгур, 1928 г.
Малады Заір Азгур, 1928 г.

1918 — Гамаль Абдэль Насэр, лідэр эгіпэцкай рэвалюцыі, другі прэзыдэнт Эгіпту.

1929 — Марцін Лютэр Кінг, барацьбіт за роўныя правы для афраамэрыканскіх грамадзянаў ЗША.

1936 — Янка Сіпакоў, пісьменьнік.

У памяці

1919 — былі забітыя Роза Люксэмбург і Карл Лібкнэхт, нямецкія камуністычныя палітыкі.

1968 — памёр Ёсіф Стаброўскі, археоляг і краязнавец.

1994 — памёр Генадзь Каханоўскі, гісторык.

Зоська Верас, Аляксей Пяткевіч і Генадзь Каханоўскі
Зоська Верас, Аляксей Пяткевіч і Генадзь Каханоўскі

2000 — памёр Уладзімер Шыцік, пісьменьнік-фантаст.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG